Chapter 43

Nangangalay na ang mga braso ko dahil sa pagbuhat ng maraming mga gamit ni Samantha galing sa mga tagahanga nito. At ngayon ay kinakabahan ako dahil nandito kami sa harap ng isang higanting gusali na halos hindi ko na mabilang kung ilang palapag mayroon ito. Iniisip ko kasi na baka tulad din ito ng hotel na pinuntahan namin na maraming tao para lang magtanong ng kung ano-ano kay Samantha.

Nauna na bumaba ng sasakyan si Tita Gracia, at hinintay pa nito si Samantha na makababâ bago sabay silang dalawa na naglakâd patungo sa pasukan ng gusali habang masayang nagkukwentuhan. Gusto ko sanang magtanong sa kanila ngunit kung kumilos ang mga ito ay parang hindi nila ako kasama. Hanggang sa nakapasok na sila sa loob ng building, nakita ko pa na yumuko ang lahat ng tao sa kanilang dalawa bilang pagbibigay galang.

Balak ko na sana na bumalik na lang sa loob ng kotse ngunit nahinto ako sa paghakbang ng mula sa bumukas na pintuan ay lumabas si Alexander at sinalubong ang dalawang babae. Nakan