Chapter 47

“Sa ikalawang pagkakataon ay muling pinatunayan ng pamilyang Smith ang kanilang kabutihan sa ating pamilya. Dahil hindi ko lubos maisip kung paano maglaro ang tadhana at isang malaking karangalan na ang tagapagmana ng mga Smith ang nagligtas sa aking buhay.” Don Rafael

“M-Mamâ…” naguguluhan kong tawag sa aking ina pagkatapos kong basahin ang huling bahagi ng liham ni Lolo. Hindi ako makapaniwala sa mga natuklasan ko tungkol sa pagkatao ng aking asawa. Nakangiti na lumuluha ang aking ina at kinuha niya ang sulat mula sa aking kamay. Halatang maging ito ay hindi rin makapaniwala at bakas sa kanyang mukha ang labis na pagkamangha.

“Sinasabi ko na nga ba! Malalim ang dahilan ni Papa kaya niya ginawa ang desisyon na ‘yun, Iho. Kilala ko ang pamilyang Smith, at sa pagkakatanda ko ay si Señior Smith ang Ama ni Mr. Harris Smith ay matalik na kaibigan ni Don Rafael. Makailang beses na sinagip nila mula sa pagkalugmok ang kumpanya ng mga Aragon. Marahil, iniisip ni Papa na ito na ang tamang pa