Chapter 36

“Paglabas ni Alexander mula sa pintuan ng banyo ay kaagad akong lumapit. Tahimik na dinampot ko ang puting brief nito at inabot sa kanya habang nanatili akong nakayuko. Nang makita ko na nawala sa aking kamay ang brief ay isinunod kong iabot ang puting polo shirt nito. Maingat na binuklat ito upang hindi magusot saka iniladlad sa kanyang harapan. Ipinasok naman ng asawa ko ang kamay niya sa bawat butas ng sleeve nito. At habang isa-isa kong isinasarado ang bawat butones ng polo nito ay nanatiling nakatingin lang ang mga mata ko sa kanyang damit.

Natigilan ako ng umangat ang isang kamay niya at humawak ito sa ilalim ng baba ko saka inangat ang mukha ko upang magtama ang aming mga mata. Mabilis kong ibinaling ang tingin sa ibang direksyon, nag-aalala ako na baka magalit siya sa akin kaya ayokong makita ang kanyang mga mata.

“Bakit hindi mo ako tinitingnan sa aking mga mata?” Seryoso niyang tanong, napalunok ako ng wala sa oras habang kinukurot ng isang kamay ko ang aking kaliwang