Chapter 35

Sumasagitsit ang mga gulong ng sasakyan sa patag na kalsada habang ang makina nito ay malakas na umalingawngaw sa loob ng malawak na stadium. Nakakabinging hiyawan ang lumamon sa buong paligid ng dahil sa matinding pananabik ng lahat ng mga manonood. Hindi magkamayaw ang lahat sa pagtanaw sa sasakyan ng isang sikat na racer.

Kung ang lahat ay kababakasan mo ng matinding pananabik at kasiyahan ay kabaligtaran naman ito sa reaksyon ng mag-asawang Smith. Tahimik lang na pinapanood nila ang matinding laban ng kanilang anak para sa world final championship na kasalukuyang ginaganap dito sa California. Malaki ang tiwala ng mag-asawa na maipapanalo ng kanilang anak ang laban nito dahil si Zaharia Smith ay isa sa nangungunang sikat na racer sa buong mundo. Tahimik man silang mag-asawa ay hindi maikakaila ang matinding paghanga nila dahil magandang laban na ipinapakita ng kanilang anak.

Sa isang iglap ay lalong nabulabog ang buong mundo dahil sa walang hirap na pagkapanalo ng batang Smith. N