Chapter 25

Napabalikwas ako ng bangon nang naramdaman ko ang malamig na kamay na humawak sa pisngi ko. Pag-angat ko ng tingin, nakita ko si Logan. Nakapagbihis na ito. Mabuti na lang at nagbihis ako ng maayos na damit kaninang madaling araw bago bumalik sa pagtulog.

Luminga-linga ako sa paligid, hinanap ng mga mata ko si Raheel. Dumapo ang paningin ko sa mesa. Wala na roon ang laptop.

"Kanina pa lumabas si Raheel. Pinapasundo ka niya sa akin dahil may kausap pa siya sa baba. Nagulat ba kita?"

"Pinapasundo? Bakit? Saan niya tayo pupunta?" Tinakpan ko ang dibdib ko nang napagtantong wala pala akong suot na bra.

"It's your honeymoon, right? So, expect na marami kayong pupuntahan sa linggong 'to," sagot ni Logan. Humakbang siya papalapit sa akin. "At pinapabigay niya rin 'to," dagdag ni Logan at ibinigay sa akin ang maliit na paper bag.

"Ano 'to?"

"Cellphone. Nakita niya kasi na may kalumaan na ang ginagamit mong cellphone. O, sige. Lalabas na ako para makapag-ayos ka na rin. Hihintayin kita s