Chapter 27

Hinila ko si Knight papalayo sa lalaki. Ang laki-laki ng ipupusta niya sa laro. "Hindi ako papayag sa isang milyon, Knight. Paano kung matalo niya ako? Sayang ang perang pinangpusta mo sa akin," reklamo ko at nilingon ang lalaki. Nakakrus ang mga braso niya habang pinagmamasdan kaming nag-uusap.

"I believe in you, Anabelle. Magaling ka naman maglaro. Tinalo mo nga ako ng anim na beses. At isa pa, pera ko naman ang gagamitin ko," saad ni Knight at binalikan ang lalaki.

Napabuga ako ng hangin at sumunod sa kaniya. Kinakabahan ako. Gusto kong umatras sa laro, pero ayokong mapahiya si Knight lalo na't siya ang unang nagsabi kung magkano dapat ang ipupusta.

"Sige. Maglalaro ako. Basta kapag natalo ako sa larong 'to, huwag na huwag mo akong sisingilin sa perang sinayang mo." Huminga ako ng malalim bago nilagyan ng pulbo ang mga kamay ko.

"You'll play with her for five rounds, Mr. Ronalds. You will play Eight Pool," Knight said.

Nanlaki ang mga mata ko. Bumalik uli ako kay Knight. "Eigh