Chapter 24

I shrugged hard as Raheel left the room. I winced in pain after kicking the table.

"Damn it, Raheel Del Fuego!" I shouted and just lay down on the bed.

Gabi na pero hindi pa rin bumabalik si Raheel sa kwarto namin. Halos maubos ko na ang mga pagkaing hinahatid ng mga staffs. Buong araw akong nagkulong sa kwarto dahil hindi ko rin naman kabisado ang lugar na 'to. Mahirap na baka maligaw pa ako.

Napalingon ako sa pinto nang napansing may kumakatok. Pinause ko muna ang palabas na pinapanuod ko bago nagtungo roon. Kumunot agad ang noo ko nang nakita sina Logan at Knight na nakaalalay kay Raheel papasok sa loob ng kwarto. Lasing na lasing ito, naaamoy ko pa ang alak na nainom niya.

"Nag-away ba kayo? Ang dami niyang nainom," tanong ni Logan pagkatapos nilang ihiga sa kama si Raheel.

Agad naman akong umiling. "Hindi naman. Akala ko nga may meeting siya dahil kanina pa siya umalis."

Dumapo ang paningin ko sa pang-ibabang labi ni Knight nang napansin maliit na sugat. Pinunasan niya ang d