Chapter 26

"Wala kang karapatang insultohin si Tita Therese!" galit na sigaw ni Raheel pagkapasok namin sa loob ng kwarto. Hinawakan niya ng mahigpit ang braso ko.

"Siya ang unang nang-insulto sa akin, Raheel! Hindi mo ba narinig ang sinabi niya? Tanggap ko naman na maraming ayaw sa akin. Ang hindi ko matanggap ay 'yung insultohin ako sa harap ng maraming tao!"

"Binibiro ka lang niya, Anabelle! Ganoon siya makipag-usap sa taong ngayon niya lang nakita -"

"Pang-iinsulto pa rin ang ginawa niya!" sigaw ko. Hindi ko na rin mapigilan ang sarili kong sigawan siya.

"Ang kapal-kapal ng mukha mo! Kahit ikaw ang pinakasalan ko, hinding-hindi magbabago ang nararamdaman ko para kay Andrea. Kasal lang tayo sa papel! Wala kang karapatang ipagsigawan sa buong mundo na ikaw ang asawa ko!"

"Makapal na kung makapal! Wala akong pakialam. Pinoprotektahan ko lang ang sarili ko sa taong kagaya niya! Hindi ko ipagkakaila na galing ako sa mahirap na pamilya! Wala pa rin silang karapatang insultohin ako!"

"Mag-sor