CHAPTER 42

Namangha dahil sa nakita niyang napakagandang tanawin sa kinatatayuan nila ni Christian. Kitang-kita niya ang malawak na bukirin at sa baba ng burol ay may malinaw na batis. Kulay berde rin ang kalapit na magubat na bundok sa gawing kanan nila.

"Ang ganda dito! Gusto kong balik-balikan ang lugar na 'to Christian."

"Tama ka, Ma’am. Kaya ako, sa tuwing nangangarap ako noon, nasasaktan, nawawalan ng pag-asa o kaya pakiramdam ko hirap na hirap na akong maabot ang mga pangarap ko, ito yung lugar na lagi kong pinupuntahan. Bubusugin ko lang ang mata ko sa magandang tanawin, hihinga ng malalim at hihiga sa silong ng akasya hanggang sa makatulog ako. Paggising ko, parang masamang panaginip na lang lahat ang mga kasalukuyang tinitiis kong problema. Madalas, kapag nilisan ko ang lugar na ito, may baon na muli akong bagong pag-asa. Kaya kita dinala dito, Ma’am para makita rin ninyo ang kagandahan ng lugar na ito. Malanghap niyo at maramdaman yung presko at malamig na hangin."

"Grabe. Akalain mon