CHAPTER 43

Kinagabihan ay nagkaroon ng salu-salong inihanda nina Janna at Daniel para sa matagumpay na immersion ng President’s Princess. Isa rin iyon sa dahilan kung bakit nagdesisyon silang ilayo muna ni Christian si Irish para makapaghanda ang lahat ng isang salu-salo kasama ng lahat ng mga Barangay Officials at School teachers. Nagsimula iyon sa kainan at ang pasasalamat ng Barangay Captain at School Principal sa mga naiambag ni Irish sa Purok nila. Binigyan din siya ng pagkakataong makapagsalita. Ito ang bahagi ng kaniyang mga nasabi.

"Noong una, inaamin ko hong gusto kong gamitin ang Purok ninyo para matakasan ang Pilipinas para malayang gawin ang lahat ng gusto kong gawin. Para sa akin, ang Pilipinas ay isang malaking kulungan dahil sa hindi ko malayang gawin ang lahat ng gusto kong gawin. Nakikita kasi ako ng lahat. Ang Pilipinas ay kakompentensiya sa pagmamahal at atensiyon ni Daddy sa akin.

Nasa bus pa lang ho ako noon, sumusuko na ako. Nawalan na ako ng tiwala sa sarili ko na kakayan