44

“Hanep Xylca, a. Dati hardinero lang, ngayon ay may gwapong mamang labandero ka na.”

Hawak ang malaking tiyan na nakisilip na rin sa akin si Pariah. Nasa kusina kami at tinatanaw ang laundry area kung saan nandoon at naglalaba si Pierce. Kinukusot pa nito ang panty ko na naisama nito sa pagkuha ng mga labahin kanina sa silid ko.

Umalis ako sa pinto at inasikaso ang nilulutong kaldereta.

“Hayaan mo siya. Gusto niyang nahihirapan eh. Ayaw mo nun, may free washing machine ako. Bawas sa sakit sa likod.”

Dumampot ito ng bayabas sa mesa at tinabihan ako sa harap ng stove.

“Narinig kong pumayag kang magkasundo muna kayo for seven days. Naku, alam na alam ko na ang galawang iyan. Ginawa na rin iyan sa akin noon ni Owen noong kasagsagan ng paglilihi ko rito sa pangalawa. Hayun, mas lalo akong na-in love sa unggoy. Effective ang mga ganiyang strategy, Xylca. Sabagay, sa ganiyan ka niya nakuha, ‘di ba?”

Kinindatan niya ako saka sinubo ang buong hiwa ng prutas.

“Ulol! Ano ako? Hindi na ako ganu