Kabanata 117

MIKAY

"Hi Wife. P'wedeng sumabay?"

Tiningnan ko lang siya ng masama. Akala ko senyales na iyon para umalis siya pero ang gago umupo pa rin sa tapat ko. Ugh! Nakakagigil talaga ang lalaking ito!

"Sa sobrang dami ng mesa rito sa karinderya, dito pa talaga sa puwesto ko ang napili mo."

"Ikaw lang naman ang kakilala ko rito."

Ngumiti ito na akala mo naman kinagwapo niya. Ang sarap alisin ng kasiyahan sa kaniyang mukha sa totoo lang. Wala talagang paltos ang pag-iirita niya sa akin. Jusmiyo naman!

"Huh? Kilala? Sino ka na nga ulit?" sarkastikong tanong ko.

"Wife naman. Lagi mo na lang akong sinasaktan."

Hindi makapaniwalang tiningnan ko siya dahil sa kaniyang sinabi. Kita mo nga naman ang lalaking ito ooh! Siya pa talaga ang may lakas ng loob na sabihin iyan.

"Huh? Talaga ba? Gusto mo isa-isahin ko ang mga ginawa mo?"

Ako pa talaga ang hinamon niya ah.

"Wife naman."

Ngayon, ngunguso-nguso siya na parang isang bibe? Huwag ako! Hindi niya ako makukuha sa ganiyan niya. Tsk.

"At saka hindi ka