CHAPTER 8-ANDREA TABERNA

“MARIZ?” Napatingin si Andrea kay Gerald, natatanong ang kanyang mga mata habang tinitingnan ang kasintahan. Hindi naikubli ang selos sa kanyang mukha. Bakit kasama ng nobyo niya ang babaeng ito?

Inakbayan ni Gerald si Andrea, “I forgot to tell you, si Mariz na ang bago kong secretary, hindi ba magkakilala naman kayo?” Sabi nito sa kanya.

“Hi Andrea,” nakangiting sabi ni Mariz sa kanya, “Akala ko’y alam mo ng dito ako nagtratrabaho,” anitong waring may pananakot sa tono ng pananalita, na para bang nais iparating sa kanya na dapat na siyang kabahan sapagkat any moment ay maari nitong maagaw sa kanya ang kanyang mapapangasawa.

Tiningnan niya mula ulo hanggang paa si Mariz. Alam niyang napakataas ng ambisyon nito kaya pinagtakhan niya nang mabalitaan niyang maaga itong nag-asawa at ni hindi na nakapagtapos ng college. Kahit naman nuong nasa Amerika siya ay hindi siya nauubusan ng mga nasasagap na balita mula sa kanyang mga kaibigang mas piniling di