Chapter Five

MULA nang nagkita sila Raphael at Mario at nang makabalik sila sa Manila ay palagi na siyang pinupuntahan ni Nicolo sa bahay niya kundi naman ay sa flower shop niya. Uupo lang ito sa sulok habang nagkakape at kung minsan ay doon nito ginagawa angbtrabaho hanggang sa magsara ang flower shop niya.

Aminin man niya sa hindi, nadagdagan ng babaeng customer ang flower shop niya. Kung minsan nga iniisip na lang niya na bumibili lang ng bulaklak ang mga ito para lang masilayan si Nicolo. Ayaw man niya ang presensya nito ay nagpapasalamat na rin siya dahil dagdag kita rin 'yun.

"Kuya, hindi ba si Nicolo De Lobo 'yun?" pabulong na tanong ng babae nang iabot ang bayad nito sa kanya.

Pasimple niyang tiningnan sa sulok si Nicolo na nakaharap sa tablet nito habang nagkakape.

"Bakit siya nandito? Ang gwapo pala niya sa personal ano? Friends kayo?" tanong pa nito.

"Oho, ma'am. Matalik ko siyang kaaway." aniya na pi