Kasabay niyang nag-lunch si Venus sa pantry ng kompanya. May baon itong lunch na puro gulay lang naman ang laman. Todo diet raw ang mga ito para sakaling mapili nga sila ng The Finest Corporation ay handa na silang sumabak sa kabilaang photoshoots. Napatitig lang siya sa kinakain nito habang panay naman ang subo niya ng kanin at ulam na binili sa pantry. Hindi niya talaga lubos maisip kung paanong nakakabusog ang mga kinakain ng kaibigan. " Siyanga pala, look at this," may kinuha si Venus sa bag nito saka ibinigay sa kanya. Natigil siya sa pagkain at kinuha ang inabot ng babae. Isa iyong invitation card na may tatak ng logo ng The Finest Corporation. Nanlaki ang mga mata niya nang mabasang isa iyong imbitasyon para sa ikatatlumpung anibersaryo ng kompanya. " Wow! Invited ka?" hindi makapaniwalang tanong niya. Sigurado siyang mapupuno ng mga celebrities at mga sikat na tao ang selebrasyong iyon. " Yep," maikling sagot ng babae na parang

Nakatitig siya sa mukha niya sa salamin. Hinayaan niya lang na nakalugay ang hanggang kili-kili niya na lang na kulot na buhok. Hindi niya iyon itatali. Naglagay lang siya ng parang cream sa buhok para huwag iyong bumuhaghag. May suot siyang hikaw na malaki na hugis puso. Suot niya pa rin ang malaking salamin sa mata.Okay naman ang make-up niya... Yata.Sa tingin niya ay okay naman iyon. Tamang-tama lang sa okasyon ng gabing iyon. Kulay orange ang suot na lipstick. May binili na rin siyang sapatos na babagay sa suot niya.  Maikli lang  ang takong ng suot na silver shoes. Iyong rainbow-colored dress niya ay makulay nga masyado. Medyo asiwa pa siya dahil parang hapit na hapit ang design ng damit sa katawan niya. May bitbit siyang purse na pinaglalagyan ng phone at pera niya.Inayos pa niya uli ang kulot na buhok saka tumawag ng taxi na maghahatid sa kanya sa venue ng party ng The Finest Corporation.Pagkababa pa lang niya ng taxi ay marami na siy

Pinababa siya ni Zara sa ground floor pagkatapos ng pakikipag-usap niya kay Mrs. del Espania. I-assist raw niya ang mga nasa baba. Hindi niya sure kung mga aplikante ba ang mga andu'n pero wala namang ibinigay na detalye pa si Zara. Nagulat na lang siya nang may makita siyang linya ng mga babaeng naka-gown na kamukha ng suot niya nu'ng party tapos naka-pink rubber shoes din ang mga ito. Ano'ng meron? Nagtatakang tanong ng isip niya. Lumapit siya sa mga ito na may pagtataka ang mukha. Nilapitan siya ng guard. " Sila raw po iyong nasa picture na hinahanap ni Sir Kyle," sabi ng guard sa kanya. Seryoso? Napatingin uli siya sa mga ito. Sa tingin niya ay hindi bababa sa sampu ang nasa linya. Isa-isa niyang tiningnan ang mga babaeng nakangiti na parang excited. Mas nagulat pa siya sa isang matabang babae na nasa gitna na halos puputok na ang tela ng gown na suot. Talaga lang? Hindi niya alam kung nakikisakay lang ang mga ito or talagang seryo

Napakurap-kurap pa siya at bigla rin naman napadilat nang tuluyan nang mapansin ang kisame. Bigla siyang napatingin sa paligid. Napakunot-noo pa siya nang makita ang malaking kwarto. Saka lang niya naalala na sa bahay nina Clyde na pala siya nakatira. Napangiti siya habang ipinikit uli ang mga mata at dumilat din naman uli pagkatapos ng ilang segundo. Napatingin siya sa oras. Alas kwatro pa lang ng madaling araw at sanay siyang gumising nang ganoong oras kahit walang pasok. Bumangon siya para umupo muna sa kama at iniunat pa ang dalawang braso. Pahikab na kinuha niya ang salamin sa mata na nasa ibabaw ng mesa sa gilid ng kama at isinuot iyon. Inaantok pa na tumayo siya at pumunta sa banyo na nasa loob ng kwarto. Tiningnan niya muna ang mukha sa salamin. Mukha talaga siyang bruha kapag bagong gising dahil buhaghag na buhaghag ang kulot niyang buhok. Madaliang nag-toothbrush siya at hinayaan na lang muna ang buhok dahil tinatamad pa siyang suklayin iyon. Inayos

Nakaupo siya sa kama habang hawak-hawak uli ang librong panggayuma. Kailangan niya iyon para mapatunayan kay Kyle na kaya niyang mapaibig si Clyde. Ayaw niyang dumating ang panahon na kailangan na nga niyang umalis sa buhay ni Clyde. Ilang taon din niyang iniingatan ang nararamdaman niya para sa lalaki para lang isuko iyon sa bandang huli. Tatlong katok ang nagpatigil sa kanya sa ginagawa. Agad na tumayo siya at nagtatakang binuksan iyon. Nakita niya ang nakaputing shirt at maong na pantalon na si Kyle. Halatang bagong ligo ang lalaki dahil amoy na amoy pa niya ang sabon at shampoo nito. " Get dressed, Tash. Aalis tayo," sabi nito. Magtatanong pa sana siya kung saan sila pupunta pero mabilis na itong umalis sa harap niya. Naisip niya ang sinabi ni Mrs. del Espania tungkol sa trabaho niya. Ang sabi ay walang pinipiling oras at araw ang trabaho niya, hangga't kailangan ang serbisyo niya ay dapat lagi siyang handa. Mabilis na isinara niya ang pinto para