"SAGUTIN mo na," bulong ni Marcus habang nakatapat sa tainga ang kan'yang cell phone. Kanina pa niya tinatawagan si Hera subalit hindi ito sumasagot. Hindi na siya mapakali sa tabi ng madilim na kalsada habang naghihintay ng pwede niyang masakyan papuntang Duncan Mills. Sobra na siyang natataranta dahil kailangan niyang balaan si Hera nang tungkol kay Althaia. No'ng gabing unang beses na nakipagkita si Marcus kay Anton at ipinaalam dito ang tungkol sa kasalukuyang kinaroroonan ng anak nitong si Hera, ang mga plano nila tungkol sa paghahanap kay Calista, at ang pagpapatalsik kay Althaia sa pwesto nito ay nagpasya si Anton na isumbong sila kay Althaia. Naniniwala kasi ito na higit na mas makapangyarihan si Althaia kaysa kay Calista at naisip na kung sa kampo ni Althaia ito papanig ay higit na mas ligtas silang mag-anak. Kapalit ng impormasyong ibinahagi kay Althaia, hiningi ni Anton kay Althaia na huwag hahayaang mapahamak ang anak at patawan na lamang ito ng parusang hindi nito ikamam

"PAANO mo ako nahanap? Magkasama ba kayo ni Althaia?" sunod-sunod na usisa ni Callie kay Hera. Isinara niya ang pinto ng kan'yang silid at iginiya si Hera paupo sa kaniyang kama. Tinabihan niya ito at mahigpit na hinawakan ang kamay.Suminghot si Hera na katatapos lang umiyak pagkatapos, pinunasan ang basang pisngi. Umiling-iling siya at tinitigan si Callie. "Hindi ko siya kasama. Marahil ay natunugan niya ang plano namin ni Marcus kaya ka niya pinuntahan dito."Napangiti si Callie nang marinig ang pangalan ng kaibigan niya ring si Marcus. "Si Marcus? Hinahanap niya rin ako?"Tumango na lamang si Hera bilang tugon."Kumusta na siya?" tanong ni Callie pagkatapos, nginisihan si Hera na tila ba tinutukso ito nang maalala niya ang estado ng relasyon ng mga ito. "Kumusta na kayong dalawa?"Matamlay na ngiti ang itinugon ni Hera sa kaniya dahilan para mapakunot siya at magtaka."Katulad na rin natin siya," nakayukong sabi ni Hera.Mas lalo pang napakunot si Callie. "What do you mean?" Tiniti

LUMIKO si Marcus sa isang eskinita nang mapansin si Esteban na bumubuntot sa kaniya. Hindi niya kilala si Esteban ngunit natitiyak niyang tauhan ito nina Henry at Althaia dahil amoy na amoy niya ang pagiging taong-lobo nito.Ilang eskinita pa ang nilikuan niya upang ilihis si Esteban sa lugar kung nasaan ngayon sina Hera at Callie. Nang nakalabas na siya sa eskinita at malayo na ang narating ay tumigil siya sa tabi ng isang malaking kahon ng basurahan at lumingon sa kaniyang likuran upang tingnan kung gaano na kalapit sa kaniya si Esteban dahil mas matingkad na ngayon sa kaniyang pang-amoy ang amoy nito. Nagtaka siya nang hindi niya ito nakita, alam niyang naroroon pa rin ito dahil naaamoy niya ito. Luminga-linga siya, hindi niya na alam kung nasaan siya. Puro ang mga nagtataasang talahib at mga puno ng mangga at santol lamang ang natatanaw niya.Sa biglang paglingon ni Marcus sa unahan ay muntik na itong mabuwal sa kinatatayuan nang biglang bumulaga sa kaniyang unahan ang nakangising

GULAT na tinitigan ni Althaia ang damit ng pinsan niyang si Calista nang inilapag iyon ni Henry sa sahig, sa kaniyang harapan. Napalunok siya at naiilang na tinitigan si Henry."I can tell that something's going on base lamang diyan sa reaksyon mo," malamig at seryosong sabi ni Henry. "Bakit mo hinahanap si Calista?"Iniiwas niya ang tingin at hindi na mapakali sa trono na kaniyang kinauupuan."Buhay pa ba siya?" tanong ulit ni Henry sa kaniya.Napakapit siya nang mahigpit sa silyon ng kaniyang trono. Noong araw na nakumpirma niya kay Calista na wala itong planong kunin sa kan'ya ang trono ay nagpasya siyang huwag nang ipaalam pa kay Henry na buhay ito sapagkat tiyak niyang hindi ito tatantanan nito. Sigurado siyang papatayin ni Henry si Calista dahil naniniwala itong magiging banta ang kaniyang pinsan sa kaniyang pamumuno.Madilim ang mukhang lumapit si Henry kay Althaia, saka ipinatong ang mga palad sa silyon ng trono nito at yumukod upang magpantay ang kanilang mga mata."Nasa Dunca

NANG hindi datnan ni Hera si Callie sa DM University ay tinawagan niya si Mercy upang alamin kung nasaan ito. Nang sabihin sa kaniya ni Mercy na pumasok na raw ito sa paaralan ay may hinuha na siyang pinagtataguan siya nito dahil hindi niya maamoy o maramdaman ang presensya nito sa kahit saang parte ng unibersidad. Kahit ilang beses niya ring tawagan ito ay hindi siya nito sinasagot kaya naman ang sunod niya nang pinuntahan ay si Clyde na kasalukuyang nasa duty nito.Patago niya lamang na sinubaybayan si Clyde subalit sa ilang oras na pagsubaybay niya sa mga kilos nito ay napagtanto niya na wala itong alam sa kinaroroonan ngayon ni Callie.Inabot na siya ng gabi sa kalilibot sa mga lugar na sa tingin niya ay posibleng puntahan ni Callie subalit nabigo pa rin siyang makita ito. Hindi niya na mapigilang mainis kay Callie dahil sa oras na naaaksaya nila na sana ay ginugol na nila sa paghahanda sa pagharap kina Althaia at sa pack nito.Sinubukan niya ulit na tawagan si Callie subalit katul