Muli siyang pumikit, baka namamalikmata lamang siya. Ngunit pagdilat niya ay andun pa din si Liam. May isinesenyas ito sa kanya. Magkita daw sila sa labas. Napilitan siyang lumabas dahil baka lumapit pa ito sa kanila. Bigla na lang itong naglaho. May kamay na biglang humila sa kanya patungo sa isang abandonadong building sa likod ng restaurant.“I’m so sorry kagabi, wala akong maalala sa sobrang kalasingan. Nakita ko lang ang cake sa sahig na may pangalan mo kaya nalaman ko na nagpunta ka at sinabi din ni Nessa.”“May nangyari ba sa inyo ni Nessa?”“Kahit lasing ako, hindi ko siya tatalunin. Kapatid ang turing ko sa kanya. Sabay kaming lumaki sa ampunan. Mukha lang pokpok ‘yun pero matinong babae si Nessa.”Lumapit ang binata sa kanya. “Kaya huwag ka ng magselos. Ikaw lang ang gusto ko. Ako nga ang dapat magtampo sa’yo. Iniwan mo ako sa mismong birthday ko.”Bigla siyang nakunsensya. Ikinulong niya ang mukha nito sa kanyang palad. Dinampian niya ng halik ang labi nito. “Happy Birthday

Kasama niyang umuwi si Liam sa bahay. Nagbubuga ng apoy ang mga mata ng kanyang ama. Habang ang kanyang ina ay tahimik na lumuluha. It broke her heart into pieces. Ngunit nadapa na siya. Kailangan niyang bumangon at panindigan ang pagkakamali. “Daddy, mommy, I’m sorry. Patawarin ninyo po ako.” “Patawarin? Alam mo ba ang ginawa mo? Malaking kahihiyan ito sa pamilya natin,” sagot ng kanyang ama. “Ikaw lalaki, anong trabaho mo?” tiimbagang na tanong nito. “Wala po.” “Anong natapos mo?” “High School po.” “Sinong mga magulang mo?” “Matagal na po silang patay.” Lalong nagtagis ang bagang ng ama. “Ano ang ipapakain mo kay Mika? Ang lakas ng loob mong manligaw sa anak ko. Wala ka namang maipagmamalaki.” Pinigilan ng ina niya ang kamay ng ama na gustong saktan si Liam. “Kaya ko pong buhayin si Mika at ang magiging anak namin.” “Sumasagot ka pa! Saan ka kukuha ng pera? Magnanakaw ka o magiging pabigat ka sa anak ko? “Ang gusto mo lang makabingwit ng mayaman at may pinag-aralang asaw

Pinigil niya ang luhang nagbabadyang pumatak. Sinusubok lamang ng pagkakataon ang pagmamahalan nila ni Liam. Hindi siya basta susuko.Malaki ang mga hakbang niya upang makalayo sa paaralan na kanyang naging pangalawang tahanan.Paglabas niya sa gate ay napansin niya ang grupo ng mga kalalakihan na nagsusuntukan. At pamilyar ang lalaking pinagtutulungan ng limang tao. Si Liam! Napasugod siya sa mga ito. Dinampot niya ang malaking kahoy na nasa kalsada. Pinukpok niya ng kahoy sa likod ang lalaking nakahawak sa dalawang kamay ni Liam.“Tumigil na kayo! Tatawag ako ng pulis!” sigaw niya.Nagpalitan pa ng ilang suntok ang mga ito bago iniwan ang binata. Putok ang kilay nito. Tinulungan niya itong tumayo.“Sino ang mga ‘yon?” sita niya.“Hindi ko kilala, hinihintay lang kita pagkatapos ay naglapitan sila at sinuntok na ako.”“Imposibleng wala kang atraso sa kanila. Liam, tumigil ka na sa pagiging basagulero mo.”“Hindi ko nga sila kilala, baka ipinabugbog ako ng daddy mo o ‘nung Andrei.”“A

Pumasok ang mga pulis sa loob ng bahay. Ngunit wala doon ang dalawa. “Tara, habulin natin. Hindi pa nakakalayo ang mga ‘yon,” sabi ng pinuno.Hindi sila makikita ng pulis dahil pumasok sila sa pintuan sa pababa. Nasa basement sila ng maliit na apartment. Mas maganda ang ilalim kaysa sa itaas ng bahay.“Tuloy ka sa aking pahingahan.”Umikot siya sa maliit na kwarto sa ilalim. Kumpleto ang appliances sa loob. At may working table din na may laptop sa ibabaw.“Taguan mo ba ito?”“Parang ganoon na nga.” Yumakap ito mula sa kanyang likuran. Dumapo ang labi nito sa kanyang balikat na nakalabas sa suot na maluwag na t-shirt. Bahagya nitong kinagat ang kanyang leeg.“Sino ka Liam?” Humarap at niyakap niya ang binata na walang damit pang itaas. Tumingala siya dito.“Anong klaseng tanong ‘yan?”“Sagutin mo ang tanong ko.” Tumitig siya sa mata ang binata.“Okay, ako ay isang lalaking patay na patay sa’yo. Ikaw ang gamot ko sa kalungkutan. Ikaw ang dahilan kung bakit gusto ko ng mabuhay.”Inirapa

Bago pa ito mai-send ni Andrei ay may umagaw ng telepono nito. Akala ng binata ay snatcher kaya tumigil ang pagtibok ng puso nito ng 3 segundo. Si Nessa pala! Ang babaeng makulit na kaibigan ni Liam.“Hoy! Bakit ka palihim na kumukuha ng video? Ha? Bawal ‘yan!”Nag-aagawan sila sa phone. “Akina ang cellpnone ko!”Mabilis ang kamay niya. Agad niyang binura ang video. Pati sa trash ay binura niya bago ibalik ang cellphone sa binata.“Oh, ayan isaksak mo sa baga mo!”“Pakialamera ka! Dati ka bang snatcher? Ambilis ng kamay mo.”“Ikaw ang pakialamero! Bakit mo pinapakialaman ang relasyon nila Liam at Mika?”“Nakita mo naman na nakikipagtagpo sa iba ang kaibigan mo. Kunsintidora ka! Concern ang tawag doon at hindi pakikialam.”“Kanino ka concern? Aber? Kay Mika o sa sarili mo? Huwag ako ah!”Natigilan ang lalaki. Namumula na ang mukha nito sa inis.“Pwede ba, hayaan mo ang ‘yun dalawa. Hindi mo ba nakikita ang labis na pag-ibig sa kanilang mga mata? Maghanap ka na lang ng iba. Andito naman