Kabaklaan 10

ISANG pak na pak na umaga ang sumalubong kay Well na rumarampa pa papunta sa basketball court. Siyempre, hindi rin papakabog ang bestie niyang si Ava na akala mo'y babaeng marangal sa kanyang suot na tube at panty shorts with matching headband pa kahit halos wala namang buhok para magsuot noon. Keri naman, nagmamaganda lang naman ang mga accla kaya kiber na lang kung ano’ng sasabihin ng mga viewers sa rampa nila.

Plangak na plangak naman sa makeup si Wella na naka-sphagetti strap na labas ang pusod at halos makita na ang singit sa suot niyang shorts. Palibhasa'y may merlat na ang baklita, confident itong kumendeng habang naglalakad papasok sa maingay na court. Hindi pa naman nagsisimula ang laro ng kanyang Fafa Hans kaya sigurado siyang nasa bench ito.

“’Teh, sure ka bang hindi pa tayo late sa laro?” tanong ni Ava.

“Yes, ’teh! Sure na sure akez! Alam ko kaya ang schedule ng paliga ni SK.” Kompiyansa ang bakla sa sinabi. Paano’y ka-close niya ang SK Chairman ng Barangay Maligaya kaya