Kabaklaan 9

ISANG pak na pak at plangak na plangak na umaga ang sumalubong sa baklitang si Wella. Feeling si Sleeping Beauty pa ang bakla na iminulat ang mata nang marinig nito ang tilaok ng manok sa kanilang bakuran. Nang makabangon ay uminat pa at pakiwari'y fresh na fresh ang kanyang pakiramdam. Paano'y masaya ang naging tulog niya kaya ganoon na lamang kung makapag-inarte.

“Good morning, Bekwintas!” bati nito nang kuhanin ang magical kuwintas na pahiram ni Beki-godmother. Humagikhik pa ang bakla na tila kinikilg bago hinalikan at niyakap ang gintong alahas na nakapgbigay sa kanya ng pag-asang maangkin si Fafa Hans.

Saka pa lamang siya bumangon sa kutson at humarap sa salaming ng kanyang pink na tukador. Excited siyang muling makita si Fafa Hans niya pero kailangan niya munang magsepilyo para naman hindi maamoy ng lalaking kanyang pinapantasya ang hininga niyang may amoy ng kahapon.

Isinilid muna niya sa bulsa ang kuwintas at bumaba. Pagkababang-pagkababa pa lamang niya ay bumungad na sa kan