Chapter 11.2

Makalipas lamang ang ilang oras ay medyo may tama na si Noah. kararating lang ni Parker ng mga oras na iyon. Maraming tao kanina sa bar na pinuntahan nila pero habang pagabi ng pagabi ay halos iilan-ilan na lamang ang natira doon at kabilang na nga sila ni Parker.

Nakaupo si Parker sa upuan at nakasandal habang nakahawak ng isang baso na may lamang alak at nakatingin kay Noah. “Ano bang problema mo?” tanong nito sa kaniya.

Sa halip naman na sumagot ay nagsalin muli si Noah ng alak sa kanyang baso at uminom muna bago sumagot. “Ayokong pag-usapan.” sabi niya rito at malamig ang mga matang nakatitig sa kawalan.

Dahil sa naging sagot nito ay mabilis naman na napailing si Parker. “Tsk. hindi ba at niyaya mo akong lumabas para uminom? Pero ayaw mong pag-usapan kung ano ang problema mo? Seryoso ka ba? Kung ano man ang pinoproblema mo ay sabihin mo sa akin, isa pa ay pwede ka namang mag-table ng babae para maging masaya ka at gumanda ang mood mo o kaya ay gumastos ka ng napakarami mong pera.