Chapter 100.2

Dali-daling tumayo si Annie mula sa kinauupuan niya nang hindi nagsasalita at mabilis na nagtungo sa kusina upang kumuha ng isang basong tubog. Pagbalik niya sa harap nito ay kaagad niyang inilapag ang baso sa harapan nito. "Inumin mo na yan at sabihin mo na sa akin kaagad ang gusto mong sabihin. Lumalakad ang oras mo, mayroon ka na lang siyam na minuto.” walang ganang sabi niya rito.

Sa mga oras na iyon naman ay pakiramdam ng tatay ni Annie ay inaapi siya nito dahil sa inaasal nito sa kaniya. Agad niyang dinampot ang baso sa harapan niya at mabilis na ininom ang laman nito. Nang maubos niya ng tuluyan ang laman ng baso ay dali-dali niyang kinuha sa kanyang bitbit na bag ang isang brown envelop at inilagay sa harapan ni Annie.

Agad namang napatitig si Annie sa inilapag nitong brown envelop. Kahit na hindi niya pa nakikita kung ano ang laman nito sa loob ay nahulaan niya na kaagad na mga larawan iyon. Ilang sandali pa ay tiningnan niya ang kanyang ama ng malamig at pagkatapos ay nagtan