THZ -5 MAKE ME YOURS

"Friend, alam ko na kung bakit nagustuhan mong gawing body guard ang mangingisda na 'yan," Nabaling ang atensyon ni Hera sa direksyon kung saan nakatingin ang kaibigan niyang si Daphney. Nakita niya si Dwayne na nakaupo sa malaking tipak na bato, habang nagmamasid lang sa kanila na naliligo sa dagat. Maliwanag ang parte na inuupuan nito kaya malinaw sa kanila kung saan ito nakatingin.

"Bakit ang bodyguard ko naman ang pinapakialaman mo?" Sita niya sa kaibigan.

"Naku, kunwari ka pa, ayaw pag-usapan. Kaibigan mo 'ko dhay, matagal na, hindi tayo naging magkaibigan kahapon lang. Kanina pa kita minamasdan panay ang sulyap mo sa kanya!" Agad niyang tinakpan ang bunganga ng kaibigan ng tumaas ang boses nito.

"Ba't ba kailangan mataas ang boses mo? Ang lapit natin sa isa't-isa, kailangan pa bang sumigaw?" Nairita niyang wika sa kaibigan at kinalas ang kamay sa bunganga nito.

"Ikaw kasi, kailan ka na natuto na paglihiman ako, huh? Nakikita ko, mula pa kanina, panay ang sulyapan niyo sa isa't-is