Kabanata 26

Kagagaling ko pa nga lang mula sa sakit pero pakiramdam ko buong katawan ko na naman ang nanghina, tipong para akong tinakasan ng lakas nang marinig ang sobrang seryosong banta ng halimaw na yon.

Kung noong mga nakaraang araw ay nagagawa pa niyang magtimpi dahil sa mga binigay niyang kondisyon, ngayon ay wala na siyang dahilan na magpigil pa dahil sa pag aakala niyang nagsinungaling na naman ako.

Pero bakit at papaanong nangyari iyon? Hindi kaya talagang nagpanggap lang si Ma'am Ara? Na maging ang pangalan nun ay pagpapanggap lang din? At kung ganoon man, bakit niya naman iyon ginawa? Ano ba talagang totoo at anong motibo niya? Maaari kayang tama si Manang Sonya? Na baka nakaplano na ito at ako ang kuwawang biktima na nadiin.

Naguguluhan na ako ng sobra. Mas lalo na akong nagduda sa katauhan ng babaeng tinitingala at hinahangaan ko. Pero ngayon, hindi ko alam kung saan at paano ako magsisimula sa pag iimbestiga sa tunay na katauhan ni Ma'am Ara. Lalo na ngayon na bukod sa nakabila