Kabanata 27

Gusto ko ng mawala. Wala akong ibang naiisip ngayon habang tinatanak namin ang kahabaan ng kalsada pabalik ng mansyon.

Buong buhay ko ay ngayon lang ako sobrang nawalan ng lakas at pag asa. Durog na durog ako sa nangyari. Parang namanhid ang buong katawan ko sa tuwing naiisip na wala na ang lola Cita ko at marahil maging si Tiya Miling.

Sobra sobra ang pagdarasal at pagpoporsige ko noon na maoperahan siya at gumaling sa sakit niya pero mawawala lang pala siya sa isang nakakapanghilakbot na trahedya na ang may gawa ay walang iba kundi ang halimaw na ito na nasa tabi ko lang.

Gusto kong sisihin ang sarili sa kung bakit pa ako nangarap ng magandang buhay para sa amin. Dahil kung nakontento lang ako ay hindi ko dadanasin lahat ng ito at mas lalong hindi madadamay si Lola Cita ko.

At sana rin hindi ako agad nagtiwala kay Ma'am Ara, sa babaeng maaaring nagbalat kayo at peke ang pagkatao. Sana hindi ako nagpabulag agad sa tulong na inalok niya. Sana nag isip na muna ako.

Sana.......

Ka