Kabanata Cuarenta y tres

LAKAD-TAKBO ang ginawa ni Luna para mapigilan ang nagaganap na meeting sa conference room.

Napakawalang respeto na mag-appoint ng CEO ngayon habang ang kanyang Ama ay nasa ospital at wala pang malay. Isang malaking kabastusan para sa kanila ang ginagawa ng mga ito!

Ang pagbagsak ng Ama ba ang hinihintay ng mga ito para makapagtraydor?

Mga walang puso!

Nagpupuyos siya sa galit at mabigat ang hakbang. Pagdating sa pintuan ay bigla na lamang siyang pinigilan ni Marcus.

“Huminahon ka muna, masiyado kang emosiyonal,” sambit pa nito.

Tumitig si Luna ng ilang segundo pero hindi niya maintindihan ang asawa. “How?! Pa'no ako kakalma kung—” At saka mariing pumikit.

Inhale. Exhale. Inhale. Exhale.

May punto ang asawa. Kung hindi siya hihinahon ay mapupunta lang sa wala ang lahat.

Ilang beses huminga nang malalim si Luna at nang sa tingin niya'y medyo kalmado na siya'y binuksan ang pinto. Bumungad sa kanya ang gulat na mukha ng ilang chief-director at shareholder.

Ngayon niya nasisigurong ang sh