DRIFTING MIST(GIO)

"FOR PETE'S SAKE, Tori, can you please tell me where you are right now?!"

Automatic na nailayo ni Tori sa kanyang tainga ang hawak niyang cellphone dahil sa matinis na tinig ng naghi-histerical niyang manager. Damang-dama niya sa boses nito ang pinipigilang galit na may kasamang konsomisyon.

"Hi, Ember!" malakas ang boses na aniya sa baklang napatili na lamang sa kabilang linya.

"You better answer me now—"

"I'm in my mom's hometown, Ember," putol ni Tori sa iba pang sasabihin ng manager niya bago pa man tuluyang humaba ang mga litanya nito. "my uncle just passed away, so—yeah..." dugtong niya sabay abot ng towel na nakapatong sa katabing reclining chair.

Kasalukuyan siyang nasa labas ng bahay at nagbibilad sa mainit na sikat ng araw. Alas otso na ng umaga at nag-a-almusal na naman na ng init ng ulo ang manager niya.

Napatigil naman sa pagtili ang baklang manager nang marinig ang sinabi ni Tori.

"Oh, my God, I'm so sorry, Tori," bulalas ni Ember. Bakas sa tinig nito ang simpatya