chapter 16

Natapos ang buong maghapon na tinitiis ko ang mga sulyap at tingin sa'kin ng mga kasamahan ko sa trabaho.

Dumagdag pa ang parang special treatment sa'kin ng mga nakakataas na sinasadya talagang dumaan sa station ko upang kumustahin ako o makipagkwentuhan gayong nakikita naman nilang pilit kong inaabala ang sarili gayong walang trabahong dumating sa mesa ko.

Ako na iyong nagkukusang humanap nang tatrabahuin dahil bigla ay nag-iba yata ang posisyon ko sa kompanya.

Maging iyong may-ari ay bumaba pa talaga kanina upang ayain akong magmeryenda na magalang ko namang tinanggihan.

Lalong nadagdagan ang gigil na nararamdaman ko tuwing naaalala ko ang huli naming pag-uusap ni Michael.

Wala na talagang makapagpigil sa'king tawagin siyang Michael dahil hindi naman niya ako pinagbawalan na gawin iyon!

"Narinig mo ba iyong tawag niya kay RM?"

Nabitin ang akma kong paglabas sa isa sa mga cubicle ng CR nang maulinigan ang pinag-uusapan ng mga bagong dating.

"Michael," halos pabulong na tugon ng isa.