chapter 23

Buong durasyon nang agahan ay panay ang pang-aasar sa'kin ni Michael.

Parang sinabay niya lang akong mag-agahan upang may aasarin siya.

Matapos niya akong ihatid sa opisina at muling inggitin ang mga katrabaho ko ay umalis na rin siya habang ako iyong naiwan upang harapin ang mga katanungan at kinikilig na reaksiyon ng mga ito.

Mabuti na lang at naging abala na kami sa trabaho kapagkuwan. Malapit na mag-lunch break nang magkaroon ng kumosyon ilang cubicle mula sa'kin.

Hindi ko na sana papansin pero biglang namayani ang kakaibang katahimikan na bibihira lang mangyari dito sa loob g department namin kaya napilitan akong mag-angat ng tingin mula sa ginagawa.

Nagulat pa ako nang tumambad sa'kin ang nakatayong si James sa mismong harapan ng table ko.

Hindi nakapagtataka kung ano ang ginagawa niya rito dahil isa siya sa shareholders ng kompanya pero ang tanong ay bakit sa nandito siya sa mismong harapan ko.

Nawala nga sa isip ko ang tungkol sa pagiging parte niya ng kompanya at ngayon k