Chapter 42

Savina Pov

Sa ibang bahay ko pinatira sila Adora at ang mga kasama niya dahil hindi ligtas para sa kanila ang bahay ko. Alam ng mga taong-lobo ang bahay ko kaya anumang oras ay maaari silang umatake ulit. Kaya mas makabubuti na sa ibang bahay sila tumira. Pagkatapos kong masigurado na ligtas na sila Adora ay pinuntahan ko sa bahay nila si Julie. Sinabi ko sa kanya ang tungkol kay Allana at Desmon na aking nalaman mula sa mga babaeng witch na iniligtas ko. At kahit si Julie ay hindi rin makapaniwala nang malaman na mag-asawa na sila Desmon at Allana.

"Bago ka maniwala sa mga sabi-sabi ay dapat mong makaharap at makausap ng personal si Alpha Desmon, Savina. Parang hindi kasi kapani-paniwala na papayag siyang pakasalan ang babaeng iyon," ani Julie matapos makapag-isip-isip.

"Iyan din ang gusto kong gawin, Julie. Kailangan makausap ko si Desmon. Gusto kong sa bibig niya mismo manggaling ang kumpirmasyon na mag-asawa na nga sila ni Allana. Ngunit hangga't hindi ko naririnig mula sa mga lab