Chapter 46

Savina Pov

"Kailan gagawin ng ating alpha ang plano niyang pagpatay sa mga witches na bihag natin?"

"Sa pagkakaalam ko ay bukas ng gabi. Kabilugan ng buwan bukas ng gabi kaya siguro bukas nila isasagawa ang pagkuha ng dugo sa mga witches na iyon para maging sangkap sa ginagawang magic potion ng ating alpha at luna. Kapag nagtagumpay sila ay ang mga taong-lobo na ang magiging pinakamalakas at makapangyarihang nilalang sa buong mundo."

Mula sa kinatatayuan ko ay dinig na dinig ko ang pinag-uusapan ng dalawang omega na sundalo ni Desmon. Hindi ko mapigilang makaramdam ako ng galit kay Desmon dahil sa aking narinig. Napakawalang puso niyang nilalang. Magkatulad lamang sila ni Allana. Sa pagkakataong ito ay saglit na nakalimutan ko ang nararamdaman kong pag-ibig para kay Desmon. Galit ang namamayani sa aking puso. Ipinangako ko sa aking sarili na kahit anong mangyari ay ililigtas ko ang mga bihag nilang witches.

Ilang saglit na pinakinggan ko pa ang kanilang pag-uusapan hanggang sa naba