Chapter 44

Savina Pov

Napaungol ako habang unti-unting nagbabalik ang aking malay-tao. Hindi ko pa man nagagawang imulat ang aking mga mata ay naririnig ko nang kinakausap ako ng boses ng isang lalaki. At ang lalaking iyon ay walang iba kundi si Faris. Natitiyak ko na siya ang nagligtas sa akin mula sa mga kamay ni Alpha Desmon.

"Savina? Okay ka lang ba?" muli niyang kausap sa akin pagkamulat ko ng mga mata. Napakunot ang noo ko nang makita ko sa likuran ni Faris ang sinasabi niyang kakambal niya na si Farin. Fraternal twins nga ang dalawa dahil hindi naman sila magkamukhang-magkamukha. Tila magkaiba rin sila ng personality. Parang tahimik, seryoso at mas nakakatakot si Farin kaysa kay Faris na friendly, approachable at madaling makapalagayan ng loob.

"Faris," mahinang sambit ko sa pangalan niya pagkatapos ay bumangon ako sa pagkakahiga sa kama. "Maraming salamat sa pagliligtas ninyo sa akin," pasasalamat ko sa magkapatid.

"Hindi ko siya tinulungan sa pagliligtas niya sa'yo dahil ang totoo ay