Chapter 20

Nakakuyom ng mahigpit ang mga kamao at nagtatagis ang mga ngipin ni Gun habang nakatitig sa mukha ng walang malay na dalaga. Halatado sa mukha nito ang labis na hirap na pinagdaanan makatakas lamang sa taong may kagagawan nito sa kanya.

Papunta siya sa bahay nito nang makita niya itong naglalakad sa kalsada ng paika-ika. Balak niya sana itong kausapin tungkol sa nakita niyang marriage proposal ng boyfriend nito habang nasa loob siya ng restaurant kung saan nag-prose sa kanya si Tyron. Gusto niyang tiyakin kung tunay ba talagang magpapakasal ito sa lalaking iyon bago siya magpasya na putulin na ang komunikasyon niya rito.

Sa umpisa ay hindi niya agad nakilala si Arielle. Nababalutan kasi ng putik ang katawan at mukha nito. Ngunit nang ilang metro na lamang ang pagitan nila ay doon niya ito namukhaan. Agad siya bumaba sa kotse niya nilapitan ito pagkatapos ay isinugod niya sa pinakamalapiy na hospital.

Ang sabi ng doktor na gumamot kay Arielle ay may bali raw ito sa tadyang at na-disloc