Chapter 21

Dahil bodyguard niya ulit si Gun kaya bumalik ito sa bahay niya para doon tumira habang nagtatrabaho sa kanya. Hindi lamang siya ang natuwa sa pagbabalik nito kundi pati na rin ang dalawang maids niya na mukhang tinubuan yata ng crush sa guwapong bodyguard niya.

Lumipas ang tatlong araw pagkatapos niyang ma-discharge ay dinalaw siya ni Claire. Nagulat ito nang makita siyang nakahiga sa kama at hindi pa rin makalakad ng maayos.

"What the hell happened to you, Arielle? Bakit ganyan ang hitsura mo?"

Hindi niya mahulaan kung genuine ba ang pagkagulat na lumarawan sa mukha nito o uma-acting lamang ito.

"A devil broke into my house and tried to kill me," sagot niya kay Claire habang nakatitig ng matiim sa mukha nito. Ino-obserbahan niya kung ano ang magiging reaksiyon ng pinsan niya. Ngunit nadismaya siya nang wala siyang nakitang expression ng pagiging guilty sa mukha ng pinsan niya. Ang nakita niya ay concern na alam naman niyang pakitang-tao lamang. Napakagaling talaga ng pinsan niyan