Blanca
Napabalikwas ako ng bangon matapos akong dalawin muli ng panaginip na iyon. Tagaktak ang pawis ko kahit pa malamig ang buga ng aircon dito sa aking silid. Habang hinahabol ko ang aking hininga ay napapikit ako ng mariin at kinuyom ang aking mga palad. Pilit kong kinalma ang aking sarili. Sa tuwing dadalawin ako ng panaginip na iyon ay bumibigat ang pakiramdam ko at nawawala ako sa wisyo kaya kailangan kong mapakalma ang aking sarili dahil hindi ko gusto ang magiging epekto nito sa akin.Napasulyap ako sa orasang nasa gilid ng aking kama. Alas-singko na ng madaling araw at kahit kapos pa ako sa tulog dahil sa kakatapos lang na misyon ko sa Singapore ay nagpasya na akong bumangon. Kailangan kong maligo para maibsan ang galit na unti-unting bumabalot sa pagakatao ko matapos ang panaginip na iyon.Pagkatapos kong maligo ay dumeretso na ako sa ibaba. Naamoy ko na ang aroma ng kape na nakasalang sa kalan na siyang paborito naming lahat sa bahay. Sumilip ako sa kusina at nakita ko doon si Mama Sandra, ang taong pinagkakautangan ko ng loob. Ang taong nagligtas sa akin sa bingit ng kamatayan.“You’re early.” Anito na tila naramdaman ang presensya ko sa kanyang likuran. Hanggang ngayon ay hindi ko parin malaman kung paano iyon nagagawa ng ina-inahan ko.“Malamang nanaginip ka nanaman.” Sabi ni Manang Flor, ang kasambahay namin sa bahay. Siya ang nag-alaga sa akin at sa tatlo ko pang kasama na lumaki sa poder ni Mama.“Sana’y natulog ka pa, ilang oras ka palang nakatulog buhat ng dumating ka?” dagdag pa nito.“Hindi na din ako makakatulog, alam naman po ninyo ‘yan manang.”sagot ko habang kumukuha ako ng tasa para sa aking kape.Nakaupo na ako at umiinom na ng kape ng may inilapag na isang clear folder si Mama sa mesa. Nagtaka ako dahil karaniwan kapag ganitong galing kami sa misyon ay hinahayaan muna niya kaming magpahinga bago isabak sa bagong lakad.“Your next mission, Blanca.” Sabi nito sabay turo sa folder.“Sandra?” May pagtutol naman sa tinig ni Manang Flor pero hindi naman nakinig si Mama.“You’ve waited long enough for this, Blanca.” Nakataas ang kilay na sabi niya sa akin. “Nandyan sa folder na ‘yan ang taong magiging tulay mo para makalapit ka sa taong matagal mo ng hinahanap.”Agad kong binuksan ang folder dahil may ideya na ako kung ano ang ibig sabihin ni Mama Sandra. Nakaramdam ako ng kakaibang kaba at tuwa dahil sa wakas dumating na ang oras na pinakahihintay ko.Bumungad sa akin ang larawan ng isang lalaki na sa tantya ko ay nasa mid 30’s. Clean cut ang itim na buhok nito. Bumagay ang makapal at pormadong kilay nito sa kanyang mga mata na tila ba malalim kung tumingin. Matangos ang ilong at mapula ang kanyang mga labi na tila hindi man lang ngumiti sa larawang ito.“What the..?” binitin ko ang dapat sana’y sasabihin ko nang narealize ko na pinupuri ko na ata ang lalaking ito.“Marcus Ace Thompson.” pagpukaw ni Mama sa nakalutang kong utak.“Thompson?!” tanong ko at tumango lang si Mama sabay higop ng kape niya.“As I’ve said, siya ang gagamitin mo para malaman mo kung nasaan ang ama niya. Masyadong mailap ang matandang Thompson at wala man lang makalapit sa kanya sa mga tao ko kaya hindi natin siya mahanap.” mahabang paliwanag ni Mama.Nanatiling nakapagkit ang mga mata ko sa larawan. Hindi ko alam, pakiramdam ko ay hinihigop ako ng mata ng lalaking ito para matagal ko siyang titigan.“Napasundan ko na ‘yan sa tatlong kasamahan mo at may plano na sila kung paano kayo makakalapit sa kanya.” dagdag pa ni Mama“Salamat Mama.” sagot ko sa kanya.“Consider that as my parting gift iha.”anito na may ngiti sa mga labi. Napakunot naman ang noo ko sa sinabi niya.“Kung matapos mo man ang misyon o hindi, papalayain na kita. You can do whatever you want with your life.” she smiled kaya hindi ko mapigilang maluha.Lahat kami na kabilang sa organisasyon ay gusto din maranasan na maging malaya at magawa ang aming gusto. May mga pangarap din kami na ninanais na matupad at magagawa lang namin iyon kapag pinakawalan na kami ng grupo.“Blanca!!!!!” Kilala ko na kung kanino ang matinis na boses na iyon. “ We miss you sissy!” dagdag pa niya sabay yakap sa likuran ko.“Ang ingay mo, KC!” natatawang sabi ni Mama sabay iling.“Sorry na Mama, namiss ko lang po si Blanca.Tagal naming di nagkita.” sagot ni KC na hindi maalis ang yakap sa akin. Sa aming apat kami talaga ang close nito.“O siya maupo na kayo at maghahain na ako para masimulan niyo na ang trabaho niyo.” utos ni Manang Flor sa mga bagong dating na kasamahan ko na KC, Ava, at Trish Sa mga kasapi ng organisasyon, kilala kami bilang Amor Quatro. Kami ang pambato ni Mama Sandra sa mga misyon na dumaan sa ilang taong mahirap na pagsasanay. May kanya-kanya kaming abilidad at trabaho sa grupo. May kanya-kanya ding kwento ang buhay naming apat at iisa lang ang tumulong sa amin, si Mama Sandra.Gabi na ng lisanin namin ang bahay ni Mama. Sa isang condo unit sa Makati kami tutuloy para mas maging malapit kami sa target dahil nandito sa Antipolo ang tinutuluyan naming bahay.“Let the games begin!” ani Ava na kasalukuyang nagtitipa ngayon sa kanyang laptop. Sa aming apat siya ang bihasa sa usapang teknikal. Magaling siyang mang hack ng mga system kung kinakailangan at siya ang nagsisilbing mata namin sa bawat misyon.“Tara na Blanca,” sabi naman ni KC na inaayos ang suot niyang damit sa harap ng salamin. “Na-track na ni Ava si lover boy!”“Excited ka?” tanong ko dito matapos kong itali ang aking buhok into a high ponytail. Nakasuot ako ngayon ng black, leather, mini dress na litaw ang likod. Tinernuhan ko ito ng high boots na mas nakakadagdag sa kaseksihan ko.Ngumisi lang si KC saka ako hinila palabas ng unit. Siya din ang nagdrive ng pulang Vios na pinagamit sa amin ni Mama. We also readied our earpiece na nkatago sa mga hikaw namin just in case kailanganin.Maingay na ang club nang makapasok kami dito. Palibhasa Sabado ngayon kaya maraming tao ang gustong magsaya at mag enjoy sa ganitong lugar.“Target spotted!” sabi ko habang nakatingala ako sa itaas na bahagi ng club. Nandito nga ngayong gabi si Marcus Ace Thompson! Nakahawak siya sa railing habang pinapanuod ang mga taong pumapasok sa club.“Nanghu-hunting na ang loko!” komento ni Trish “Napaka babaero talaga!”“For sure may isang babae nanaman ang luluha ng dahil sa kanya!” dagdag ni Ava.“I think nakita na niya ako.” pasimpleng ani ko at saka ako lumakad na animo’y reyna sa gitna ng mga tao. I can see from my peripheral vision na ilang kalalakihan ang nakasunod ang tingin sa grupo namin. But I paid attention more on Marcus na hindi maalis ang tingin sa akin.I smiled. Ito ang kamandag ng Amor Quatro. Walang sinoman sa lahi ni Adan ang makakatanggi sa amin. Babae ang kahinaan nila kaya yun ang ginagamit namin para matapos ang aming misyon.Nakita ko ang bakanteng table sa tabi ng mesa nila Marcus kaya dun ako papunta. Nanatili naman siyang nakatayo na para bang hinihintay niya ang paglapit ko.He smiled, isang tipikal na galaw ng babaerong hudyo, ngunit nilagpasan ko lamang siya na para bang hangin lang siya.“Great girl!” nadinig kong sabi ni Ava sa earpiece ko.“Nakuha mo na ang atensyon niya!” segunda naman ni TrishTumawag agad ng waiter si KC once we settled ourselves on the couch.This is sure to be one hell of a night.BlancaPanay ang tawa ng tatlong kasama ko habang umiinom kami. Nakita daw kasi nila ang reaksyon ni Marcus nang lagpasan ko ito kanina at hindi pansinin. Pati daw ang mga kasama nito sa lamesa ay nagtawanan sa nasaksihan.“First time sigurong maranasan ni lover boy ang deadmahin kaya ayun, parang lumipad sandali ang kaluluwa niya at natulala!” natatawang kwento ni KC“I told you, effective ang plano ko diba?” proud na sabi ni Trina. “Babaerong tao ‘yan. Lahat ng gusto nakukuha niya. Walang sineseryoso at ang babae, basahan lang sa kanya. Kapag may babaeng hindi yan pinansin, asahan mo magwawala ang ego niyan!” “So tuloy na tuloy na ba tayo sa plan A?” tanong ni Ava kaya tumango ako.“We will go as planned. Paibigin at paikutin si Marcus para makakuha ako ng impormasyon kung nasaan ang hayop niyang ama!” tumungga ako ng alak at ninamnam ang pagguhit nito sa lalamunan ko. Nang mag-angat ako ng ulo ay nagtama ang paningin namin ni Marcus. Ngumiti siya pero tinaasan ko lamang siya ng
Marcus I slammed my door out of frustration that night the moment I entered my penthouse. Sobra akong nagagalit dahil pakiramdam ko ay pinahiya ako sa harap ng mga kaibigan ko ng babaeng ‘yon. Like what the hell! In my 32 years of existence in this earth ay may isang babae pala akong matatagpuan na hindi man lang ako pinansin! Lahat ng babae ay halos itapon ang sarili sa paanan ko makasama lang ako pero ang babaeng ito, kakaiba siya! Ni hindi man lang ata naakit sa akin at baliktad pa ata ang nangyari dahil ako ang naakit sa kanya.Pakiramdam ko tuloy ay may lahing mangkukulam ang babaeng iyon. Ano ba ang ginawa niya sa akin at buhat kanina ay hindi ko na makalimutan ang mukha niya. Para akong lalagnatin isipin ko palang ang mukha niya habang nagsasayaw kanina sa club. Kakaibang init ang nararamdaman ko sa tuwing maiisip ko ang pagtataray niya at ang pagtaas ng kilay niya na para bang gusto ko siyang parusahan sa kama.Makapagtaray pa kaya siya habang binabayo ko na siya sa kama? H
BlancaIsang linggo na din ang lumipas buhat ng unang pagkikita namin ni Marcus sa club kaya naman inip na inip na ako para sa susunod naming hakbang. Hinayaan ko muna ang tatlo na muling bumalik sa club gaya ng plano namin at mukhang effective naman dahil panay daw ang hanap at tanong ni Marcus sa akin. Pilit pa daw niyang inaalam ang number ko pero siyempre hindi naman yun binigay ng tatlo.“Ready na ang mga tao natin.” saad ni Ava kaya naman napangiti ako dahil sa wakas sisimulan na namin ang susunod na plano.“Ready ka na ba, Blanca?” tanong ni Ava sakin habang patuloy sa pagtipa ng laptop niya.“More than ready!” sagot ko sakanya sabay tanong"Nakuha na ba nila?” "Yup sis! Papunta na sila sa dito” sagot niya uli.Nakaramdam ako ng excitement dahil tagumpay ang mga tauhan namin na dukutin ang bunsong kapatid ni Marcus na si Shayne Marie Thompson. Isa siyang sikat na modelo dito sa Pilipinas at nagsisimula na din siyang makilala sa ibang bansa.Pinadukot siya ni Trish dahil kaila
Blanca“It’s time!” nadinig ko ang salitang iyon mula sa earpiece ko. ‘Yun na ang hinihintay kong signal galing kay Ava kaya naman nilapitan ko na si Shayne para gisingin ito dahil magsisimula na ang aming munting palabas.“Shayne! Shayne!” tawag ko sa kanya habang niyuyugyog ang balikat niya“Gumising ka na! Kailangan na nating tumakas dito!.” Bigla namang napabangon si Shayne. Nakakunot pa ang noo niya na tila hindi ako naintindihan.“Sigurado ka ba Blanca?” tanong niya na kakikitaan ng takot sa kanyang mga mata “Natatakot ako Blanca, baka mahuli tayo.” “Ngayon na ang pagkakataon natin Shayne. Nakalimutan nilang i-lock yung pinto kaya makakalabas na tayo. Tulog na tulog na din sila, sobrang lasing na kaya tara na!”sabi ko sabay hila sa kanyang kamayDahan-dahan kaming lumabas ng kwarto. Ingat na ingat ang bawat hakbang namin para maiwasang makagawa ng ingay. Magkahawak-kamay naming nilagpasan ang mga bantay na hindi ko alam kung totoong tulog na o nagpapanggap lang. Gusto ko
BlancaDalawang araw pa akong nanatili sa ospital at kahit inip na inip na ako ay wala naman akong magawa dahil kailangan ko daw tapusin ang mga gamot ko.Palagi namang dumadalaw si Shayne sa akin kaya ang tatlong bruha ay tuwang-tuwa dahil palagi silang kasahog sa mga pagkaing dinadala dito ng dalaga. Ang ending, busog sila araw-araw.“Nakakatuwa kayo ano?” sabi ni Shayne habang inaayos ang prutas na dala niya sa lamesa. “Hindi talaga kayo nag-iiwanan.”“Aba oo naman Shayne,” sagot ni KC habang nilalantakan ang dala ni Shayne na doughnut. “Alam mo kasi sabay-sabay kaming lumaki, kaya eto, hindi kami mapaghiwalay.”“Oo nga eh. Nakakainggit lang. Puwede din ba akong maki-join sa inyo?” tanong ni Shayne kaya naman biglang napaubo si Trish habang umiinom ng kape. Naibuga niya pa ito kay Ava na as usual nasa laptop nanaman ang atensyon.“Trish naman!” hiyaw nito sabay punas ng mukha niya na nabugahan ng kape.“Ang dugyot lang talaga!” Nag peace sign lang si Trish dito saka nginisihan si
BlancaAfter a week of medication ay magaling na ang sugat ko sa balikat. Nakapag pahinga ako ng maayos dahill wala madalas ang tatlong kaibigan ko na hindi ko malaman kung ano ang pinagkakaabalahan. Si Shayne naman ay tumatawag paminsan minsan dahil sa busy na din ito sa trabaho.Ngayong gabi nga ay paalis ako dahil pinagbigyan ko ang pangungulit ni Marcus na lumabas kami at mag-date. I just wore a simple black mini dress na tinernuhan ko ng pulang stilletos. Sleeveless ito at sakto lang ang v- cut nito sa dibdib dahil ayaw ko naman na masyadong revealing ang isusuot ko sa gabing ito. Eversince the tragedy ay nahilig na ako sa kulay itim. Maybe because I have a dark past at ito din marahil ang dahilan kung bakit Blanca ang tinawag sa akin ni Mama Sandra.Lahat kami sa organisasyon ay gumagamit ng fake identities. Ang dahilan? Para kung sakaling magsimula kami ng bagong buhay ay walang anumang bahid na makikita sa tunay naming katauhan.By birth, ako si Ria Celestine Alonzo, pero
BlancaLaunching ng bagong business nila Marcus at ng mga kaibigan niya ngayon kaya naman busy ako at ang tatlo sa pag-aayos dahil syempre invited kami sa event.After ng date namin ni Marcus ay naging busy naman siya sa pag-aasikaso ng bagong negosyo niya kaya hindi pa iyon nasusundan. Although he calls me often and sends me flowers, I have this feeling na nami-miss ko ang presensya siya. But I chose to ignore that. This is a mission. At hindi kailangan ang puso dito.“Tara na girls!” naiinip na yaya ni Ava sa aming tatlo. Siya talaga sa amin ang tipong mabilis kumilos kaya naman naiinip siya sa paghihintay.Sunod-sunod na kaming lumabas ng condo. We look like models sa mga suot namin dahil isang fashion launch ang gaganapin ngayong gabi. Kailangan naming maging elegante at maganda of course. Ayon sa research ni Ava, isang clothing line na sikat sa US ang itatayo nila dito. Pag-aari ito ng pamilya ni Hendrix Saavedra at magtatayo sila ng branch dito sa Pilipinas.Sa Hotel de Paraiso g
Blanca“Cheers!!!” sigaw ni Shayne sabay taas ng shot glass niyang may tequilla. Sumunod naman kami at saka sabay-sabay na tinungga ang laman nun.“Wooohh!!” napahiyaw pa si KC sabay tawa habang sinasalinan ng alak ang mga baso naminNanatili lang akong tahimik pero sumasabay naman ako sa inuman ng apat. I don’t know, I’m not just in the right mood to enjoy the night. And to hell with it hindi ko alam kung bakit? Pakiramdam ko ay sinasakal ako sa tindi ng galit na nararamdaman ko. Para sa matandang Thompson at pati na din kay Marcus.Tinungga ko ulit ang alak at hindi ko na hinintay ang mga kasama ko. Agad akong nagsalin ng panibago sabay tungga ulit. “Hey, dahan-dahan lang!” paalala ni Ava sa akin pero agad kong itinaas ang kamay ko para patigilin siya. Wala akong planong makinig ngayon. Gusto ko lang uminom ng tahimik.Tumungga ulit ako ng isa pa habang inaalala ang mukha ni Simon Thompson. I am already murdering him in my mind dahil naalala ko ang sinapit ng pamilya ko nung gabing