Chapter 17

Agad na kumunot ang noo ni Raheel nang nakita niya ako. Dali-dali kong kinuha ang cellphone niya sa sahig. Napakagat-labi ako nang nakitang nabasag ang screen ng cellphone niya.

Umahon ang babae at tumabi ito kay Raheel habang nag-aayos sa nagusot nitong damit. Tumayo si Raheel pagkatapos niyang mag-ayos na parang walang nangyari at tumingin sa akin. Ipinulupot ng babae ang kamay niya sa baywang ni Raheel, ngunit bigla itong inalis ni Raheel na parang nandidiri.

"Don't ever come back here, Alexa," maawtoridad niyang sabi at binigyan ito ng pera.

Mabilis namang kinuha ni Alexa ang pera at isinilid ito sa bra niya. "Disturbo!" asik ni Alexa sa akin bago siya lumabas ng opisina ni Raheel.

"Bakit ka nandito?" malamig niyang tanong sa akin at nagsindi ng sigarilyo. "'Di ba dapat sa bahay ka lang?"

"Kasi..." Napakagat-labi ulit ako. Nangangapa ng isasagot. Ang bilis ng tibok ng puso ko. Itinago ko ang cellphone niya sa likod ko nang dumapo ang paningin niya sa kamay ko.

Tinaasan niya