Chapter 16

Sumunod agad ako kay Chairman Marcelo at iniwan sina Raheel at Alona sa kwarto. Inalalayan ko siya sa paglalakad patungo sa kwarto kung saan mino-monitor ang mga CCTV nila rito sa mansiyon.

"May hidden camera po ba talaga sa kwartong 'yon, Chairman?" Curious kong tanong sa kaniya pagpasok namin sa loob ng kwarto.

Nanlaki ang mga mata ko nang umiling siya. "I'm just joking, hija. Sino ba naman ang maglalagay ng hidden sa guest room?" Natatawang sagot ni Chairman Marcelo.

"Chairman Marcelo, Ma'am Anabelle..."

Napalingon ako sa labas nang narinig ang boses ni Alona. Namumutla pa rin ito. Nakasunod naman si Raheel sa kaniya. Nanlaki ang mga mata ko nang bigla siyang lumuhod sa harapan namin.

"Patawarin niyo po ako, Chairman Marcelo, Ma'am Anabelle. Nagkamali po ako." May kinuha siya sa loob ng bra niya. "Pumasok po ako sa guest room at kinuha 'to," dagdag niya at ipinakita sa amin ang isang mamahaling kwentas.

Napatingin ako kay Raheel nang bigla niyang kunin sa palad ni Alona ang k