Chapter 15

Nagpatulong ako sa driver namin na ipasok si Raheel papasok sa mansiyon. Pati si Kuya Berting ay nahihirapan siyang alalayan si Raheel dahil mabigat ito at may katandaan na siya.

Nang nakita kami ng ilang mga bodyguards sa mansiyon, pinagtulongan nilang buhatin paakyat ng hagdanan si Raheel patungo sa kwarto niya.

"Maraming salamat po. Pasensiya na rin sa abala," saad ko bago isinara ang pinto.

Hinayaan ko na lang si Raheel na matulog kahit marumi ang damit niya. Baka mapagalitan niya na naman ako kung bibihisan ko siya.

Lumabas ako ng kwarto at nagtungo sa kusina. Naghanap ako ng noodles doon na pwedeng lutoin para kapag magising siya ay makahigop siya ng mainit-init na sabaw. Naabotan ko si Manang Loida sa kusina. Nag-aayos siya ng mga pinamili nilang groceries.

"Ako na po ang bahala riyan, Ma'am Magpahinga na po kayo," saad niya nang nakitang sinuot ko ang apron.

"Ipagpatuloy niyo lang po ang ginagawa niyo, Manang. Kaya ko na po 'to." Ngumiti ako at sinimulang mag-init ng tu