Chapter 30 (Part 1/2)

“Astrid!” 

Kaagad naman akong napatayo sa aking kinauupuan rito sa loob ng aking cubicle sa opisina dulot ng gulat sa nagawang pagsigaw.

“Astrid!” 

Tuluyan ko na ngang nakita kung sino ang sumisigaw nang tuluyan siyang makapasok sa cubicle.

“Lianna, bakit?” tanong ko at hinawakan ang kaniyang balikat dahil sa napahawak siya sa kaniyang mga tuhod at hingal na hingal.

Saan ba ito galing at ano ang pinaggagawa’t mukha siyang pinagkaisahan ng mga bruha sa daan?

Nang tuluyang makabawi sa pagkahingal ay tumayo siya ng tuwid upang harapin ako. Ngumiti siya sa akin ng pagkalawak-lawak.

“Anong ngiti naman ’yan?” kunot-noo kong tanong.

“Hulaan mo,” pambibitin niya.

“Huwag mo nga akong gino-good time at stress pa ako ngayon,” wika ko habang nililigpit ang gamit ko dahil kailangan ko pang pumunta sa shop para kumustahin ang products na inilabas namin, na magtatatlong araw na ngayon. Kinakabahan na ako dahil hindi