Chapter 33

Hinayaan niya na ako hanggang sa makababa ako ng sasakyan. Buhat-buhat si Herald ay tinungo ko ang elevator. Gusto ko na ring magpahinga. Gusto ko ng matapos ang araw na ito. Nagkaroon na nga ako ng pagkakataon na makasama ulit si Hera, ngunit kaagad naman itong nadagdagan ng panibagong isipin at problema.

Nagulat na lang ako ng may humawak ng aking balikat at nang mapahinto ay lumantad na lang sa harapan ko si Jemuel. Mabilis niyang kinuha sa akin si Herald at naunang naglakad. Ang buong akala ko na hahayaan na niya akong makapasok ng matiwasay ngunit mukhang nagkamali ako. Nagpakawala na lang ako ng marahas na buntong-hininga at sumunod sa kaniya.

Hindi na ako nagtaka pa. Ganito talaga si Jemuel, kapag siya na ang nagkasala ay nangungulit at hindi ka basta na lang hahayaang makalayo hangga't hindi natatapos ang isipin at problema, ngunit kapag ikaw naman an