Chapter 0013.1

Dahan-dahang iminulat ni Annie ang kanyang mga mata at ang puting pintura ang sumalubong sa paningin niya. Nakita na nakaupo ilang metro sa kaniya si Lucas at nang makita siya nitong gising na ay kaagad itong tumayo upang lapitan siya.

“Kamusta na ang pakiramdam mo?” agad na tanong nito sa kaniya.

Hindi siya kaagad na sumagot at pinakiramdaman muna ang kanyang sarili kung may masakit pa ba pero wala naman na.

“Okay na ang pakiramdam ko.” mahina niya sagot.

Pakiramdam niya ng mga oras na iyon ay tuyong-tuyo ang lalamunan niya at maging ang mga labi niya. Nakita niya na may binuksan si Lucas sa ibabaw ng isang lamesa sa kanyang tabi at kaagad niyang naamoy ang nilagang baka.

“Nagpaluto ako ng nilagang baka dahil baka gutom ka pagkagising mo.” sabi nito at handa na sanang iabot sa kaniya ang nakahandang sabaw nang umiling siya.

“Ayokong kumain. Wala akong gana.” sagot niya rito ngunit hindi ito nagpatinag.

Hinila nito ang lamesa na may gulong pala at inilagay sa kanyang tabi at pagkatapo