Chapter 0015.2

Pagkatapos makipagtalo sa lalaking iyon ay nagmadali siyang pumunta ng ospital. Hindi na niya hinabol pa ang lalaki dahil wala siyang oras na makipag-argumento sa lasing na kagaya nito. Isa pa ay nag-aalala siya sa kalagayan ni Trisha lalo pa at may nakita siyang dugo na tumutulo kanina sa ulo nito.

Bigla siyang napalunok, buhay pa kaya ito? Napailing siya sa kanyang naisip. Ano bang iniisip niya. Kapag nangyari iyon ay tiyak na hindi siya mapapatawad ni Lucas kahit pa hanggang sa kamatayan, nasisiguro niya iyon.

Mabilis siyang nag-apura na makarating sa loob ng ospital. Dumiretso siya kaagad sa emergency room. Habang nakatitig sa nakasarang pinto ay tila ba naramdaman niya na nawalan ng lakas ang kanyang mga binti.

Binuksan niya ang kanyang bag upang maghanap ng pwede niyang pamunas sa cellphone ni Trisha na may bahid nang dugo ngunit bigla na lamang nanginig ang kanyang kamay. Pagkatapos ng tatlong minuto ay wala pa ring siyang nahanap na pwede niyang ipangpunas sa natutuyo ng dugo.