Chapter 117.2

Nang masabi niya ang mga iyon ay agad na binalot ni Lucas ng kanyang mga braso si Annie at marahang hinaplos ang likod nito. Dahil sa ginawa nito ay mabilis namang uminit nga ang pakiramdam ni Annie dahil sa init ng yakap ni Lucas. Maging ang kanyang mukha ay unti-unti nang bumalik sa kulay hindi katulad kanina na sobrang putla.

Gayunpaman ay nanatiling malamig pa rin ang kanyang mga paa. Nang hawakan ni Lucas ang mga paa nito ay bigla na lamang siyang napasimangot dahil nasisiguro niya na wala man lang itong sapin sa paa nang umakyat ito sa bintana.

Dahil sa pag-iisip niya tungkol sa paa nito ay doon niya naalala na mayroon nga palang sugat si Annie sa paa kaya dali-dali niyang tinanong ito ng may pag-aalala. "Masakit pa rin ba ang mga paa mo?" tanong niya rito.

Mabilis naman na umiling si Annie. "Okay na. Hindi na masakit." sagot niya ngunit kasinungalingan lamang iyon. Syempre ay masakit pa rin ang kanyang paa. Nang matapakan niya ang piraso ng bubog na iyon ay talagang bumaon sa p