Chapter 99.2

"Gising na ako kaya bumangon na ako. Kung naistorbo kita sa pagtulog mo ay pasensiya ka na. Pwede ka nang matulog ulit." sabi niya rito at pagkatapos ay muling pinilit na tumayo upang makaalis na sana siya doon ng tuluyan. Kaya lang, hinila siyang muli ni Lucas sa kama na ang kanyang mga kamay ay nakapulupot pa rin sa kanyang baywang. "Pwede bang dito ka muna sa tabi ko? Hindi ako makatulog nang wala ka sa tabi ko." sabi nito sa kaniya na namamaos pa rin ang tinig.

Nang marinig ito ni Annie ay bigla na lamang bumilis ang tibok ng kaniyang puso. Sa totoo lang ay ito ang madalas niyang sabihin rito dati sa tuwing aalis ito sa kanyang tabi. Ngunti ngayon ay hindi niya akalain na sasabihin naman nito sa kaniya ang mga salitang iyon ngayon, pero naisip niya, bakit? Para saan? Para ba paglaruan siya at ang damdamin niya?

"Lucas ano bang klaseng kalandian ito? Napaka-aga.” sabi niya sa himig na pabiro. Baka kasi magalit ito sa kaniya.

"E ano naman?" mahinang sabi nito na halos ikapanlaki ng