Kabanata 2.1 - Birthday

Hapon na nang matapos ang exam, walang minuto na hindi sumakit ang ulo ko ngayong araw. Dagdagan pa nitong mga kaklase kong nagbabangayan sa kung anong tamang sagot sa exam kanina. Nagmamadali man ay nagawa ko pa rin silang pakinggan.

"B is the right answer, yun ang sinagot ko," sambit nung isa sa top student na sinundan niya ng mga paliwanag kung paanong naging B ang sagot.

Agad namang umapela ang President namin na s'yang nangunguna sa ranking.

"D ang sagot! Hindi ako pwedeng magkamali," aniya na dinugtungan din ng paliwanag.

Nakinig pa 'ko sakanila habang inaayos ko ang mga gamit, inaalala ko rin ang letrang isinagot ko doon sa pinakamahirap na tanong na s'yang pinagtataluhan nila ngayon. Nakisali pa sakanila ang ibang matatalino naming kaklase at A raw ang tamang sagot. Hindi na 'ko nakisali dahil masyado nang sumasakit ang ulo ko sa exam na 'yan, kailangan ko na nga yata talagang mag-relax.

Saktong isasara ko na ang zipper ng bag ko nang mag-ring ang phone ko. Nagpaalam na 'ko sa aking mga kaklase bago sagutin ang tawag ni Madison.

"Sup, Mads," bored na sambit ko. Isinukbit ko ang bag sa balikat bago lumabas ng room.

"What's with that face, you look like a mess, girl!" aniya sa nakakairitang tono. Kahit kailan talaga ang isang 'to, napaka-judgemental!

Nilibot ko ang aking paningin sa labas ng building at nang makita s'yang nakaupo sa isang bench ay agad kong ibinaba ang tawag para mapuntahan ito. Hindi na niya 'ko hinintay at sinalubong na 'ko nito para sabay kaming maglakad patungo sa parking lot.

"I'm a gorgeous mess," sagot ko sa sinabi niya kanina at kinindatan pa ito.

Napairap nalang siya sa ginawa ko bago naunang maglakad sa akin, may kung ano s'yang ginagawa sa phone niya kaya hindi ko na pinansin.

Patungo kami sa parking lot nang lingunin niya 'ko. Nakakunot ang noo nito habang nakatingin parin sa phone at abala sa kung ano.

"Ken texted me, nandoon na raw sila. Bilisan na daw natin," wika niya.

Napakunot din ang noo ko dahil doon. What's with the rush? Ni hindi pa nga napapalitan ng dilim ang kalangitan tapos nandoon na agad sila? Sana all maagang natatapos ang exam, sana all hindi haggard.

As soon as she opened her car, we went in. Siya ang driver at nasa front seat lang ako. Habang nagdadrive siya ay nag-aayos naman ako, hindi naman kasi pwedeng naka-uniform akong pupunta roon. Mabuti pa 'tong si Mads, nakapagpalit na kanina.

Sa sasakyan na 'ko nagpalit ng damit, I'm wearing black glittery bodycon dress ended inch above my knee, backless ito at hugis U ang makikita mo sa likod, pinaresan ko naman ito ng silver stilettos. I tied my long wavy hair in a low ponytail, naglagay na rin ako ng konting makeup sa mukha para naman hindi haggard kung tingnan, hindi mukhang kagagaling lang sa stressful exam. Inilabas ko mula sa aking bag ang isang maliit na clutch bag. Phone, wallet at lipstick lang ang kasya rito kaya yun nalang ang mga nilagay ko.

Wala pang twenty minutes ay nakarating na kami sa isang hotel na napili namin para pagdausan ng anniversary naming magkakaibigan. Oh, 'di ba! Bongga! Kahit exam day o ano pa 'yan, hinding-hindi namin palalampasin ang araw na 'to!

Madison handed her key to the vallet, sabay naming tinahak ang engrandeng lobby ng hotel. It screams so much class. Mads is in her red sleeveless dress, fitted din ito gaya nitong sa'kin. She is the one who talked to the woman at the front desk, may tinawag itong isang lalaki na s'yang maghahatid samin paakyat sa roofdeck.

Kilala ang hotel na ito dahil sa restaurant nilang nakapwesto mismo sa kanilang roofdeck. Disenyo palang, halatang sosyal na. No wonder why Kendall chose this place, she likes classy shits.

Hindi nagtagal ay nakarating na kami sa pinakatuktok, hindi naman masyadong marami ang tao kaya natanaw ko agad ang mga kaibigan ko.

"You're so mabagal!" ani Adel.

Inirapan ko ito bago kami maupo. Umalis na rin ang lalaking naghatid sa'min patungo rito. May wine na agad sa mesa, ito talagang mga bitchesang 'to, hindi pa nakakakain ay wine agad.

"Mabuti nalang at naka-red ka, Mads! Sabi ko kasi sa waiter, birthday ng isa sa atin," panimula ni Ken habang itinataas ang kamay para makuha ang atensyon nung isang waiter.

"And so? Ano ngayon kung naka-red ako?" inosenteng tanong nito.

Ilang saglit pa ay nasa harap na namin ang waiter, nakangiti ito nang salubungin kami.

"Kuya, kindly serve our orders na and.. she is the celebrant I'm talking about," sambit ni Kendall.

Tumango-tango ang waiter, binanggit isa-isa ang orders bago umalis sa harap namin.

"Gaga ka, anong celebrant?" nagtatakang tanong ni Mads.

"You'll see later," natatawang tugon ni Grace sakan'ya.

Natawa nalang ako pati na rin sila, kahit kailan ay napaka-slow talaga nitong si Madison. Napaka-inosente!

Ilang sandali pa ay isa-isa nang nagdatingan ang mga order namin, itsura palang ng mga ito ay natatakam na 'ko kaya hindi na namin pinatagal at sinunggaban na agad ang mga 'yon.

"May bar daw sa 9th floor, they call it cloud nine. Maybe we should check it later, maganda raw ang ambiance," si Ken.

Kapag usapang bar, club o party, si Ken ang nangunguna sa mga 'yan. Party girl, e. Siya ang nag-impluwensya sa'min na pumarty, maraming kakilala at halos lahat ay hinahangaan siya. Sino ba namang hindi? Maganda siya, mayaman, matalino at friendly! Halos lahat yata ng lalaking nagkakagusto sakan'ya, hindi na nakaka-move on. Matinik si gaga, e.

"Okay, basta 11 pm ako uuwi. By the way, the food is nice," sambit naman ni Iris. Paniguradong scam 'yan!

Panay ang nguya nito na tila ninanamnam talaga ang bawat putaheng inihanda sa amin. Culinary student ito at may food blog siya kaya grabe nalang ang pagsuri niya sa mga pagkaing kakainin namin. Siya ang una kong naging kaibigan sakanilang lima, sunod ay si Madison. Who would believe that we were enemies back then? They were already classmates before but they're not so close and then I came, I'm the outsider. Late kasi ako ng one month pumasok noon, wala e, tinamad akong mag-aral that time so na-late ako. And when I came, Iris is the first person who approach me. Napag-alaman ko lang noon na president pala siya ng section namin. Lalo kaming naging malapit noong napasama ako sakanila ni Madison.

Si Mads ang secretary ng section noon, napasama ako sakanila at naging parte na rin ng officers kalaunan dahil sa madalas kong pagsama sa mga ito papunta sa office nung adviser namin, ginawa niya na rin tuloy akong officer. Akala ko magtutuloy-tuloy na doon ang friendship namin, kaso nag-away kami ni Iris dahil sa napakababaw na rason. Basta nagalit siya sakin noon, e. Dahil napasama ako sa grupo nila Kendall.

Kendall and Adeline are both best of friends even before, it was Ken's birthday when one of the guys invited me to join them attend Kendall's party. Invited naman daw lahat ng classmates namin so I expected Iris and Madison to be there, too. But then, they didn't come. Hindi raw sila kasi close at ayaw ni Iris sa ugali ni Ken. Masyado raw pabebe, aminado naman ako noon na pabebe talaga magsalita 'tong si Kendall, sweet girl pa bansag sakan'ya. Mahinhin at di mo aakalaing magiging ganito siya kabulgaran ngayon.

Nang hindi ako pinansin ni Iris, napasama ako kila Kendall at Adeline. Si Mads naman ay nakakausap ko pa rin kaso ayaw n'yang maipit sa'min dalawa ni Iris kaya hinayaan ko nalang siya. Si Iris naman ay napalapit sa isang grupo ng kababaihan sa section namin, yung mga babaeng panay chismis ang alam. Noong panahon din na 'yon, kagalit din ni Grace ang mga babaeng yon, kaibigan niya kasi ang mga 'yon tapos bina-backstab daw siya kaya napasama sa'min nila Ken si Grasya.

Akala ko ganoon nalang ang magiging eksena palagi pero pinagbati kami ni Madison kaya mula noong naging okay kami ni Iris, doon na nabuo ang pagsasamahan naming anim. Ang childish nung reason kung bakit kami nag-away but it leads us altogether so I guess, it's destined?

"Happy birthday to you, happy birthday to you.."

Napabalik ako sa wisyo nang may biglang tumugtog. May dalang isang cake ang waiter, ang isa naman ay may wine bottle na hawak. Patungo sila samin kaya nasa amin ang atensyon ng lahat. Natatawa nalang ako habang palapit ang mga ito kay Madison na naka-kunot ang noo ngayon.

"Happy birthday, Miss Madison!" sigaw ng mga waiter nang matapos silang kumanta.

Iniharap nila ang frame na may design na pang-birthday at ang cake kay Mads, naghihintay na i-blow nito ang candle. Gulong gulo man ay nagawa niya paring hipan ang kandila. Inilapag nila ito sa table namin at ibinigay kay Madison ang wine bottle, birthday promo raw kasi yon. Tuwing merong may birthday ay palaging may ganon, free daw nila. Kinuhaan ng litrato si Madison, ilalagay daw nila 'yon sa birthday celebrant wall nila. Mas lalo akong natawa sa reaction ni Madison. Hindi naman siya makapalag dahil baka mabuko kami.

Actually, hindi naman talaga niya birthday. Si Ken lang ang may sabi no'n para makalibre kaming cake at wine, si Mads ay litong lito ngayon. Natatawa ako sakanila.