Chapter 7

Tessa's POV

HINDI ko alam kung magsasaya ako na sa wakas, ikinasal na rin ako kay Senyorito Darius—ito ang matagal ko nang pangarap. O magluksa matapos ng mga sinabi niya sa akin kanina.

Hindi pa siya nakuntento at ngayong nasa reception na kami, hindi man lang niya ako magawang samahan. Sinundan ko siya ng tingin habang abala siyang nakikipag-usap sa mga bisita, at ako naman, heto, mag-isang nakaupo sa table namin.

Puro paglunok at pag-iwas sa mga mapanuring tingin ng mga tao ang ginagawa ko. Ni hindi ko na magawang salubungin ang tingin nila dahil napapansin ko ang awa at pangungutya sa kanilang mga mata. Kinakaawaan at pinagtatawanan nila ako.

"Gagawa-gawa pa kasi ng eksena ang Martha na iyon. Ako tuloy ang lumabas na masama." Mariin na pagkuyom ng mga kamay ang ginawa ko.

Hindi namin alam kung paano lumabas, pero alam na ng lahat na si Martha ang girlfriend ni Senyorito Darius at ito dapat ang pakakasalan niya. At napilitan lang siyang magpakasal sa akin dahil may nangyari sa amin