Chapter 6

Tessa's POV

KITANG-KITA ko ang pagkadismaya sa mukha ni Mamang Olga. Hindi ito nagsasalita, ni hindi niya ako pinagalitan o pinayuhan sa mga dapat kong gawin. Nanatili siyang tahimik habang inaasikaso ang mga damit ko.

"Dadalhin ko na sa magiging kuwarto mo sa itaas itong mga damit mo. Ayaw ka nang patulugin ni Don Enrico sa maid's quarter."

"Mamang... "

Tumayo ako para lapitan siya pero iniwasan niya ako at walang imik na lumabas ng silid. Malungkot akong bumalik sa kama ko at naupo sa gilid.

Hindi ko masasabing malungkot talaga ako sa nangyayari dahil ito naman ang pinangarap ko mula pa noon. Pero siguro nakokonsensya ako. Matapos akong pagkatiwalaan ni Mamang Olga, ito pa ang igaganti ko sa kaniya.

Narinig ko ang pagbukas at muling pagsara ng pinto. Buong akala ko ay si Mamang Olga ito kaya mabilis akong tumayo at humarap doon, pero natigilan ako nang makita kung sino ang dumating.

"Miss Martha, ano pong ginagawa n'yo rito?"

Matagal niya akong pinagmasdan na parang kinakabisado niy