Chapter 16

Napansin ni Arielle na hindi siya masyadong kinakausap ni Gun nitong magmula kagabi. Siguro ay galit pa rin ito sa kanya dahil iniisip nitong pinanigan niya si Tyron kaysa sa kanya. Hindi sila masyadong nakakapag-usap kaya hindi niya tuloy mabanggit sa kanya ang kasal. Baka bigla na lamang itong magtaka kapag dumating ang ina at kapatid ni Tyron para pag-usapan ang kasal nila.

"Bakit po hindi kayo masyadong nag-uusap ni Gun, Ma'am Arielle? May LQ po ba kayo?" nanunuksong ang tono na tanong sa kanya ni Emma habang tinutulungan niya ito sa paghahanda ng kanilang pananghalian. Wala si Laura nang araw na iyon dahil day off nito kaya siya na ang tumulong kay Emma sa paghahanda ng lunch nila.

"He just misunderstood me last night, Emma. Pero hayaan na lang natin siya. Mawawala rin ang toyo niya," nakangiting sagot niya sa kanyang maid. Hindi na niya pinagtuunan ng pansin ang "LQ" na sinabi nito na ang ibig sabihin ay lover's quarrel. Wala naman silang relasyon ni Gun kaya walang LQ na nangya