Chapter 15

"Anong ibig mong sabihin, Arielle? Ang boyfriend mo ang nagtatangkang pumatay sa'yo? Siya ba ang lumason sa'yo kaya ka na-ospital?" nakakunot ang noo na tanong ni Gun sa kanya.

Ang totoo ay hindi niya sinasadyang marinig ni Gun ang pangalang binanggit niya. Akala niya ay sa isip lamang niya sinagot ang tanong nito ngunit hindi pala.

"Just forget what I said, Gun," mabilis niyang wika rito. Bagama't may tiwala siya rito ngunit hindi pa siya handang sabihin sa kanya ang tungkol kina Tyron at Claire.

"Forget it? Pagkatapos mo akong bitinin sa curiosity ay sasabihin mong kalimutan ko ang sinabi—"

Medy napataas ng boses ni Gun kaya nagmamadaling tinakpan niya ng kanyang kamay ang bibig nito para hindi na ito makapagsalita. Nangangamba siya na baka marinig ng dalawa niyang maid ang mataas nitong boses at natitiyak niya na magtataka silang dalawa.

"Lower your voice." Kinausap niya ito sa mahinang boses habang ang isang palad niya ay nananatiling nakatakip pa rin sa bibig nito. May pag-aalal