Chapter 17

"Hindi mo ba susundan si Gun, Ma'am Arielle? Paano kapag tuluyan na siyang hindi bumalik? Walang magliligtas sa'yo kapag may taong magtangka uli sa buhay mo," nag-aalalang tanong sa kanya ni Emma habang nakaupo siya sa sala at malalim na nag-iisip.

Umiling siya sa kanyang maid. "Hindi, Emma. Hindi siguro siya ang tamang tao para maging driver-bodyguard ko."

Mukhang hindi bodyguard si Gun. Kahit ang kilos at pagsasalita niya ay hindi nababagay bilang bodyguard niya. Sabagay, hindi naman talaga ito bodyguard kundi driver lamang. Ngunit kahit ang maging driver ay hindi rin bagay sa lalaki.

Baka may nakatuntong ng college si Gun ngunit hindi lamang nakapagtapos ng pag-aaral. At napilitan lamang ito na maging driver ng babaeng iyon dahil girlfriend niya ito at baka mataas din ang sahod.

"Magpatulong ka na lang kaya kay Sir Tyron sa paghahanap ng bodyguard, Ma'am Arielle?" suhestiyon ni Emma na agad niyang sinagot ng mariing iling. Kapag ang magiging bodyguard niya ay mula kay Tyron ay nati