Kahit na sinabi sa akin ni Brielle na huwag muna kaming umuwi ni Dylan sa Maynila, hindi ko pa rin nasunod ang gusto niyang gawin ko dahil desidido pa rin talaga si Dylan na umuwi kahit na ano mang pilit ang gawin ko sa kaniya. Aniya, kailangan niya raw umuwi sa Maynila para magtrabaho dahil tawag na nang tawag sa kaniya ang mga katrabaho niya kaya’t wala na siyang magagawa dahil kung hindi, baka raw mawalan pa siya ng trabaho—na siya namang hindi ko pinaniniwalaan. Hello, Chief of Police kaya siya. Sa taas ng ranggo niya, mahihirapan ang mga boss niyang tanggalin siya sa trabaho. Hindi naman sa makapal ang mukha ko at assumera ako o ano pero pakiramdam ko, kaya gusto niyang bumalik na kami sa Maynila ay dahil gusto niya akong ma-solo. Alam niya kasi na medyo matagal pang uuwi sina Brielle kaya’t doon muna ako sa bahay niya. Isa pa, hindi kami masiyadong makakapag-usap dito sa Batangas lalo pa’t narito ang buong angkan niya na pa
Read more